95 яшькә җитү – үзе бәхет

95 яшь – зур, хөрмәткә лаеклы юбилей. Нәкъ менә шундый кешеләрне бәхетле картлыкта гомер кичерә, дип әйтәләр. Районыбызда озын гомерле кешеләргә хөрмәт күрсәтү күркәм традиция булып дәвам итә. 16 октябрь көнне Сөлтеп авылында яшәүче тыл һәм хезмәт ветераны Гадиева Дания Харис кызы 95 яшьлек юбилеен каршылады. Аны гомер бәйрәме белән Иске Кормаш авыл биләмәсе башлыгы Фларит Фәрит улы Гирфанов, авыл җирлеге хакимияте белгечлэре , бик күп еллар бергә гомер иткән күршеләре, сөекле балалары килделәр. Алар юбилярга үзләренең иң изге теләкләрен җиткерделәр.

Өлкән кешегә күп кирәкмени? Нибары сәламәтлек һәм бераз игътибар гына. Элек-электән олы яшьтәге кешеләрне хөрмәт иткәннәр: алар җәмгыятькә төпле фикер сөйләгән, яхшы киңәш биргәннәр.Дания әби балары белән, кунакларны яхшы кәеф белән шатланып каршы алды. Зур акылга ия хөрмәтле юбиляр тормыш сөючәнлеге, күтәренке күңел халәте белән аерылып тора. Авыр хезмәт биографиясен дә бик кечкенә генә нечкәлекләре белән хәтерли ул. Биләмә башлыгы Фларит Фәрит улы юбилярга матур теләкләрен җиткереп, РФ Президенты В.В. Путинның Котлау хатын, муниципаль район хакимияте башлыгы Марат Захит улы Латыповның котлау открыткасын һәм истәлекле бүләк тапшырды. Анда түбәндәге тәбрикләү сүзләре язылган иде: “95 яшь ул – төпле акыл, бай яшәү тәҗрибәсе туплаган еллар. Без чын күңелдән Сезгә хәзерге буын бәхетле һәм мул тормышта яшәсен өчен салган фидакарь хезмәтегез өчен чиксез рәхмәт сүзләрен җиткерәбез һәм Сезнең алда баш иябез! Сезгә ныклы сәламәтлек, якыннарыгызның игътибарын, күңел җылысын тоеп, шатлык-куанычларда гомер итүегезне телибез!”.

Дания Харис кызы ихлас сөенеп бүләкләрне кабул итте, сәламәтлеге турындагы сорауларга да анык итеп җавап бирде. 95 яшькә җитү – үзе олы бәхет. Авылдашлары да әбиебезне хөрмәт итәләр. Хөрмәтле юбилярның картлык көннәре тыныч, матур үтә. Ветеран якыннары, балаларының кадер-хөрмәтен тоеп бәхетле гомер кичерә һәм башкаларга да матур тормыш тели.
Дания әбине 100 яшьлек юбилее белән котларга да насыйп булсын иде!