Авылым күрке – «Ак чишмә»

Туган як, туган авыл! Алар һәркем йөрәгендә яши. Туган як табигате кече яшьтән тормышыбызның бер өлешенә әверелә. Табигать кешеләргә гаҗәеп хәзинәләр биргән. Шуларның берсе – чишмәләр.

Чишмәләр – җирнең  җиденче катламы аша бәреп чыккан саф су. Судан башка җирдә тереклек тә юк. Туган авылым Иске Кормашта да саф сулы чишмәләр берничә: «Ак чишмә», «Кара чишмә», «Әүлияләр чишмәсе». Бүгенге көндә һәрбер өйдә диярлек су үткәрелгән булса да, чәй суына дип, халык чишмәгә йөри. Чишмәләрне һәрвакыт карап, чистартып торырга кирәк.

Минем әтием дә үзебез  һәм тирә-як авыл халкы да үз иткән «Ак чишмә»безне киртәләп, матурлап куйды. Хәзер халык саф сулы чишмәбезнең юлына тузан төшерми, челтерәп аккан чишмә тирәсендә һәрвакыт кемне дә булса күрергә мөмкин. «Ак чишмә»  сокланырлык һәм горурланырлык авылыбыз күркенә әйләнде.

Рита ФӘХЕРТДИНОВА,  7 сыйныф укучысы.

 *

Иншаларны ватсапка 8-903-352-65-80 телефон номерына яки avangrd@yandex.ru электрон почтасына җибәрергә кирәк.

Катнашучының исем-фамилиясен һәм телефон номерын күрсәтү мотлак!

Фотолар 1 апрельгә кадәр кабул ителә. Аннары ВКонтакте социаль челтәренең махсус кушымтасы аша тавыш бирү узачак.

Нәтиҗәләр 4 апрельдә ясалачак, иң күп тавыш җыйган укучы җиңүче дип игълан ителәчәк, һәм аңа район гәзите редакциясе тарафыннан истәлекле бүләк тапшырылачак.

Динә ТӨХБӘТУЛЛИНА