Ата-бабам төяге

Киң болын-кырлардан, басу сукмагыннан,
Яшел хәтфә үләннәрдән, җиләк келәменнән,
Әллә җаным тартканга, әллә кан тартканга
Килеп кердем бер авылга - картәтәмнең туган ягына.

Яратамын йөрергә урамнарын буйлый-буйлый,
Бөек шагыйрь, Тукаебыз, әйтмешли:
"Гәрчә анда тумасам да...", бераз тормасам да,
Җирне тырмалап, чәчеп-урган булмасам да,

Бу авыл якын минем күңелгә:
Ата-бабам төяге шунда булганга да,
Картәтәм шунда туганга да,
Сукмакларда алар эзләре калганга да.

Кәрәкәнең буйлары, бөгелеп үскән таллары,
Бакыязның ярлары, чәчкәле тугайлары.
Олы һәм кече урам, киң дә тар аралары,
Яшел үләнле ялан, бу – Урта Акбаш яклары.

Вадим Мостаев.

*

Иншаларны ватсапка 8-903-352-65-80 телефон номерына яки avangrd@yandex.ru электрон почтасына җибәрергә кирәк.

Катнашучының исем-фамилиясен һәм телефон номерын күрсәтү мотлак!

Фотолар 1 апрельгә кадәр кабул ителә. Аннары ВКонтакте социаль челтәренең махсус кушымтасы аша тавыш бирү узачак.

Нәтиҗәләр 4 апрельдә ясалачак, иң күп тавыш җыйган укучы җиңүче дип игълан ителәчәк, һәм аңа район гәзите редакциясе тарафыннан истәлекле бүләк тапшырылачак.

Динә ТӨХБӘТУЛЛИНА