Үткәннәрне онытмыйк!

Безнең кечкенә авылыбызның нәкъ уртасында совет солдатына һәйкәл куелган. Биредә ел саен Җиңү бәйрәме, тантаналы митинглар, хәтер һәм кайгы көннәре  үткәрелә. Шул чакта укучылар, авыл халкы, җыелып, анда венок һәм чәчәкләр сала. Илебез азатлыгы өчен һәлак булучыларның исемнәре, сугыш җырлары яңгырый. Укытучылар да укучылар белән бергә бу урынга экскурсиягә еш килә. Һәйкәлебез  һәрвакыт яхшы хәлдә, аны даими тәрбияләп, төзекләндереп торабыз. Бу – безнең изге бурычыбыз.

Аның яныннан узган саен мин батыр ата-бабалар, кыю ир-атларыбыз өчен чиксез горурлык хисе кичерәм. Каһарман яугирләргә чиксез рәхмәтлемен, чөнки алар без тыныч яшәсен өчен гомерләрен бирде.

Һәйкәл киләчәк буыннарга тарихыбызны һәм көч-куәтебезне искә төшереп, туган җиребезне мәңге бизәп торыр, дип ышанам.

 Розалия РАФЫЙКОВА,  8«б» сыйныф укучысы.

 *

Иншаларны ватсапка 8-903-352-65-80 телефон номерына яки avangrd@yandex.ru электрон почтасына җибәрергә кирәк.

Катнашучының исем-фамилиясен һәм телефон номерын күрсәтү мотлак!

Фотолар 1 апрельгә кадәр кабул ителә. Аннары ВКонтакте социаль челтәренең махсус кушымтасы аша тавыш бирү узачак.

Нәтиҗәләр 4 апрельдә ясалачак, иң күп тавыш җыйган укучы җиңүче дип игълан ителәчәк, һәм аңа район гәзите редакциясе тарафыннан истәлекле бүләк тапшырылачак.

Динә ТӨХБӘТУЛЛИНА.