+3 °С
Облачно
80 лет Победы
Все новости
Конкурсы
14 Марта , 14:10

Яңа Кормашым

«Хәтеремдә мәңге калыр туган җирем» Яңа Кормашым «Авангард» район гәзите сайты «Хәтеремдә мәңге калыр туган җирем» дип аталган фоторәсемнәр конкурс игълан итә. Газиз туган авылын өзелеп яраткан, хөрмәт иткән, аның киләчәгенә битараф булмаганнарны (яшь чикләнми) шушы бәйгедә катнашырга чакырабыз! Авылыгызның табигатен, истәлекле урыннарын чагылдырган фотолар хуплана. Кыскача тексты да булсын. * Яңа Кормаш авылында яшәүче иҗади рухлы, җырга-моңга сәләтле, шигъри җанлы Рәмилә Абдуллинадан фоторәсем килде. Күңеле түреннән ургылып чыккан шигырен дә җибәргән. Көен дә үзе язган.

Яңа Кормашым
Яңа Кормашым

 

Яңа Кормашым

Табигатьнең матур кочагында

   Урынлашкан минем авылым.

Җәйрәп яткан урман-болыным,

Күңелемә шундый якынсың!

Яңа Кормашым, Яңа Кормашым!

Синдә генә килә каласым.

Синнән китсәм мин, сагынырмын шул

Авылымның татлы һавасын.

Ялан-кырларыңда аунап-үскән,

Күпме синең улың-кызларың.

Мәлдерәп пешкән сусыл җиләкләрең

Белән безне чиксез сыйладың.

Картлар гына түгел, авылыма,

Ә яшьләр дә кайтып яшәсен.

Йөрәгеңә борчу салмабыз без,

Яшен кебек әле яшьнәрсең.

Яңа Кормашым, Яңа Кормашым!

Синдә генә килә каласым.

Синнән китсәм мин, сагынырмын шул

Авылымның татлы һавасын.

 

Рәмилә АБДУЛЛИНА

   *

Иншаларны ватсапка 8-903-352-65-80 телефон номерына яки avangrd@yandex.ru электрон почтасына җибәрергә кирәк.

Катнашучының исем-фамилиясен һәм телефон номерын күрсәтү мотлак!

Фотолар 1 апрельгә кадәр кабул ителә. Аннары ВКонтакте социаль челтәренең махсус кушымтасы аша тавыш бирү узачак.

Нәтиҗәләр 4 апрельдә ясалачак, иң күп тавыш җыйган укучы җиңүче дип игълан ителәчәк, һәм аңа район гәзите редакциясе тарафыннан истәлекле бүләк тапшырылачак.

Динә ТӨХБӘТУЛЛИНА

Автор:Фангия Низаева
Читайте нас: