Мәңге яшә һәм чәчәк ат, туган авылым!

*

Мин вакытында ике патша аяк басып үткән Кушнаренко районында туып үстем. Үземнең гүзәл туган ягымны бик яратам. Авылымның иркен кырлары, урманнары, елгалары көч һәм илһам бирә. Биредә истәлекле урыннар да, тарихта эз калдырган шәхесләр дә күп. Легендар кара генерал Даян Мурзин үзе генә дә ни тора!

Тау дип йөртелгән калкулык безнең авылны көчле җилләрдән саклый. Бөек Ватан сугышы елларында биредә разведчиклар штабы урнаша. Ә бүген калкулыкның иң башында сәләтле авылдашыбыз Илфир Фидай улы тылсымлы таш сыннар паркын иҗат итте. Авылдашларым бик уңган, җитез кешеләр.

Кушнаренко Җир шарындагы оҗмах урыны диярсең: виноград, алма, җиләклекләр, хуш исле бал, челтерәп аккан чишмәләр, сабантуйларда бүләкле урыннар яулаучы чабышкы атлар һәм күккә ашкан самолет...

Мәңге яшә һәм чәчәк ат, туган авылым!

Эльза БАТЫРГӘРӘЕВА

   *

Иншаларны ватсапка 8-903-352-65-80 телефон номерына яки [email protected] электрон почтасына җибәрергә кирәк.

Катнашучының исем-фамилиясен һәм телефон номерын күрсәтү мотлак!

Фотолар 1 апрельгә кадәр кабул ителә. Аннары ВКонтакте социаль челтәренең махсус кушымтасы аша тавыш бирү узачак.

Нәтиҗәләр 4 апрельдә ясалачак, иң күп тавыш җыйган укучы җиңүче дип игълан ителәчәк, һәм аңа район гәзите редакциясе тарафыннан истәлекле бүләк тапшырылачак.

Динә ТӨХБӘТУЛЛИНА