Авылымны яратам

Мин Әхмәт авылында туып үстем, мәктәпне тәмамладым. Уфада укып кайткач, туган җиремдә калырга булдым. Аннан башка бүтән урында яшәвемне күз алдыма китерә алмыйм.

Тормыш иптәшемне дә биредә очраттым. Матур итеп гаилә корып, балалар үстердек.

Авылымның табигате искиткеч. Монда килгән кешеләр аның серле урманнары, балыклы күлләре, җиләкле аланнары һәм бихисап башка гүзәллекләрен күреп соклана.

Без, әхмәтлеләр, авылыбызны бик яратабыз. Аны төзекләндерү һәм матурлау өчен файдалы эшләр башкарабыз.

Безнең чын йөрәктән булган сөюне чагылдырган шушы арт-объектның фоторәсемен җибәрәм.

Илфат МОСТАФИН.

   *

Иншаларны ватсапка 8-903-352-65-80 телефон номерына яки avangrd@yandex.ru электрон почтасына җибәрергә кирәк.

Катнашучының исем-фамилиясен һәм телефон номерын күрсәтү мотлак!

Фотолар 1 апрельгә кадәр кабул ителә. Аннары ВКонтакте социаль челтәренең махсус кушымтасы аша тавыш бирү узачак.

Нәтиҗәләр 4 апрельдә ясалачак, иң күп тавыш җыйган укучы җиңүче дип игълан ителәчәк, һәм аңа район гәзите редакциясе тарафыннан истәлекле бүләк тапшырылачак.

Динә ТӨХБӘТУЛЛИНА