Туган җирем

Туган җирем

«Авангард» район гәзите сайты «Хәтеремдә мәңге калыр туган җирем» дип аталган фоторәсемнәр конкурс игълан итә. Газиз туган авылын өзелеп яраткан, хөрмәт иткән, аның киләчәгенә битараф булмаганнарны (яшь чикләнми) шушы бәйгедә катнашырга чакырабыз! Авылыгызның табигатен, истәлекле урыннарын чагылдырган фотолар хуплана. Кыскача тексты да булсын.

*   Чираттагы фоторәсем дә Калтай авылыннан. Аны тугызынчы сыйныф укучысы Ләйсән Арсланова җибәргән.

Туган җирем

Мин Калтайда туганмын,

Мин бит авыл баласы.

Нәнәем әйтә, авылның

Шифалы дип һавасы.

Шифасын ничек тоярга?

Нәнәйгә сорау бирдем.

Уйныйсыз яшел үләндә,

Елгада су керәсез.

Кышын ап-ак кар өстендә

Чаңгыда җилдерәсез.

Яланнарда җиләк пешә

Чикләвеккә бай урман.

Балкып тора авылыбыз

Матур бездә һәр урам.

Иркенлек һәр төбәгендә.

Тәмле чишмә сулары.

Игенкәйләр гөрләп үсә,

Уңышлы басулары.

Шифасы шунда, балам,

Туган җиргә тамса тирең,

Яшәргә көч, тәнгә сихәт

Бирә ул туган җирең.

Ләйсән АРСЛАНОВА, 9 сыйныф укучысы.

*

Иншаларны ватсапка 8-903-352-65-80 телефон номерына яки avangrd@yandex.ru электрон почтасына җибәрергә кирәк.

Катнашучының исем-фамилиясен һәм телефон номерын күрсәтү мотлак!

Фотолар 1 апрельгә кадәр кабул ителә. Аннары ВКонтакте социаль челтәренең махсус кушымтасы аша тавыш бирү узачак.

Нәтиҗәләр 4 апрельдә ясалачак, иң күп тавыш җыйган укучы җиңүче дип игълан ителәчәк, һәм аңа район гәзите редакциясе тарафыннан истәлекле бүләк тапшырылачак.

Динә Төхбәтуллина