Туган авылым

Туган авылым

«Авангард» район гәзите сайты «Хәтеремдә мәңге калыр туган җирем» дип аталган фоторәсемнәр конкурс игълан итә. Газиз туган авылын өзелеп яраткан, хөрмәт иткән, аның киләчәгенә битараф булмаганнарны (яшь чикләнми) шушы бәйгедә катнашырга чакырабыз! Авылыгызның табигатен, истәлекле урыннарын чагылдырган фотолар хуплана. Кыскача тексты да булсын.

Фотолар 1 апрельгә кадәр кабул ителә. Аннары ВКонтакте социаль челтәренең махсус кушымтасы аша тавыш бирү узачак.

Нәтиҗәләр 4 апрельдә ясалачак, иң күп тавыш җыйган укучы җиңүче дип игълан ителәчәк, һәм аңа район гәзите редакциясе тарафыннан истәлекле бүләк тапшырылачак.

* Хөрмәтле укучылар!

«Хәтеремдә мәңге калыр туган җирем» конкурсына иң беренче булып Калтай урта мәктәбенең сигезенче сыйныф укучысы Ахунова Илмирадан фоторәсем килде. Авылларының искиткеч табигате, гүзәл күренешләре турындагы шигыре күңелдә соклану хисләре уятты.

Туган авылым

Басуларың иркен, авылкаем,

Җиләккә бай синең яланнар.

Заказникта, Макар чокырында

Кызарып пешә миләш-баланнар.

Бакчаларда май аенда

Агачлар чәчәк ата.

Кыш көне урамнарыңда

Чәчәктәй ак кар ята.

309 еллык тарихы бар.

Авылым үсә, балкый.

Яши анда эшчән, матур,

Уңган, булдыклы халкым.

Мин яратам сине, Калтаем.

Чишмә суларың да тәмле бит.

Таң атканда көтү тавышлары,

Каз каңгылдавы да ямьле бит!  

Ахунова Илмира, 8 сыйныф укучысы.

 *

Иншаларны ватсапка 8-903-352-65-80 телефон номерына яки avangrd@yandex.ru электрон почтасына җибәрергә кирәк.

Катнашучының исем-фамилиясен һәм телефон номерын күрсәтү мотлак!

Динә Төхбәтуллина